傳被 Zara阿媽買起 CNBC轉載 佐丹奴紅爆全球

好孩子

如果無記錯，佐丹奴（ 709）應該係最多購併新聞嘅上市公司！過去 10幾年，噏得出嘅國際服裝零售大 Brand都傳過話會買佐記，但次次流料，到最近「彤叔」鄭裕彤唔聲唔聲一鋪掃咗 14%，仲做埋第一大股東，斷估呢個情況會停落嚟，但殊不知唔係嘅。

Inditex同佐丹奴齊否認

噚日， CNBC網站就爆咗單猛料，話 Zara嘅阿媽 Inditex計劃收購佐記， CNBC話佢哋係 quote外電，咁外電單料又點嚟？佢哋話係來自一個本港財經網站，而個網站又話佢哋係抄本地一份報章！而據華華明查暗訪所得，嗰份本地報章係抄一個歐洲財經網站，但人哋嗰篇報道係寫緊歐洲大市，順便講埋 Inditex股價急升，話佢會收購一間香港公司，半隻字都無提過佐記，但咪理，「 Zara買起佐記」就係咁環繞個地球「流」傳一周!
最後，流言梗係要搵啲智者嚟終止喇！佐記嗰邊同華華講無呢件事，而慣性唔評論市場傳聞嘅 Inditex呢次亦忍唔住出聲話真係無接觸過佐記！就係咁樣，呢單流料益咗佐記堅升，一開市就爆升 6%，收市回番，但都有得升 1%，而 Inditex自己嘅股價都有得升……唔知呢次流料誤傳邊個至係大贏家呢呵?

好孩子

鄭裕彤再增持佐丹奴 涉資逾億據港交所（00388）資料顯示，新世界發展(00017)主席鄭裕彤於本周二（6月21日）於場內再增持佐丹奴（00709）1,630萬股，每股平均價6.65元，涉及金額1.08億元，最新持股量由18.07%增至19.15%。鄭裕彤自今年5月9日起，連同本次，共6度增持該股，總共買入2.89億股，涉及金額達15.12億元。
該股股價今日收報6.6元，跌1.345%。