投機者日記 2-4/9

法拉利

港股今日跟隨外圍下跌，恆生指數失守50天線，收市報19,522點，跌350點；國企指數收報11,192點，跌149點。即月期指收市報19,425 點，跌229點，低水97點。10月期指收報19,419點，跌232點，低水103點。主板全日成交533.78億元。

今日四叔話: 睇跌等撈底。咁呢位亞洲股神講既說話,一直都為我地班散戶提供一個大方向。
在今年七月份, 四叔話佢會每升1,000點減持10%，惟25,000點以上不再減持，餘貨作「長持」。結果港股升至21,000左右後回落至今。咁今日佢又話「嚟緊個市會平多少，到時唔怕買些少貨，將以前售出嘅買番少少，照自己睇，如果恒指跌落18,000點已經好抵買，但相信未必會跌落萬八點。」
咁次港股又會唔會好似以往一樣，跟四叔對著幹呢?

從大勢看(weekly)，Macd 出一個熊背馳，而且macd每況愈下，大方向下。
從日圖所見，下一個目標為上個浪頂為19,150左右,下一個目標為23.6% 18,850左右，再下一個目標就係38.2% 17,430左右。

法拉利

港股午後急升，收市報20,318點，升556點；國企指數收報11,760點，升331點。
即月期指收市報20,379點，升809點，高水61點。
10月期指收報20,381點，升811點，高水63點。主板全日成交增至756.62億元。

周四, a股從上月暴跌走出來。因為由人民銀行、中銀監與中證監都不約而同地出來講話。
中證監緩批公司申請上市，以消除市場認為資金不足的心理壓力 。
中國人行、中國證監依然多次重複多次寬鬆的貨幣政策沒有變。

周五, 港股在a股後市後急升, 全因內地下午突然公布放寬合資格境外機構投資者(QFII)投資額度及鎖定期，將單家QFII機構申請投資額度的上限由8億美元增至10億美元；將養老基金、保險基金、開放式中國基金等中長期QFII機構的投資本金鎖定期縮短至3個月，其他機構投資者的本金鎖定期設定為1年。


大勢屬弱勢, 但相信下周一, QFII的消息將進一步刺激A股上升, 目標為上次調整區為頂3000點(圖一)


HSI方面, 大勢屬弱勢, 只好等待沽空機會, 看到日圖, rsi仍然徐徐向上, 所以只好等它升至超買區才出擊. 目標為上浪之頂, 20650左右. (圖二)