何俊仁：捨公投取談判,大不了鞠躬下台
不參與公投，令民主黨這泛民「老大哥」被譏諷是「民主擋」。近 58萬人投票過後，民主黨主席何俊仁說：「睇唔到對個黨有乜影響。」他堅持，爭民主要結合香港社會溫和的進步大多數，透過談判改變現狀。「我唔信搞幾次公投、圍立法會可以迫得到（普選）。」他又說從政不是為選票，若理念得不到群眾支持，大不了鞠躬下台。
「睇唔到對黨有乜影響」
公民黨和社民連在五區公投共取得逾 46萬票，較 08年立法會選舉時多出逾 10萬票。何俊仁表示，沒評估有多少民主黨的選票流向了兩黨，但認為有關分析意義不大。「今次大家冇選擇，好多人投票都只係支持民主派。」他以新界西為例，「（社民連）陳偉業參選咁多次，都知自己有幾多票啦。就算投票率過五成，佢都係得三萬幾票，今次佢有十萬票，部份係民主派嘅呼籲。」
何俊仁認為，公、社今次「多取」的選票，下次未必會「重投」同一候選人，「睇唔到對民主黨有乜影響」。但他承認，青年相對較接受公投這爭取方式，未來會加強跟青年溝通對話，「件事一路發展緊」，相信青年會思考，不會將民主黨「定型」。
不過，民主黨今年在反高鐵與撐公投之役，確與部份社運青年有「重大分歧」。何俊仁說，高鐵撥款的問題，民主黨在聽取意見後，都決定投反對票，「如果覺得要聽咗意見先，咁做係唔好、係搖擺，咁我都冇嘢好講。」
擬結合進步溫和大多數
對於五區公投，民主黨從去年 8月搶先拋出議員請辭名單，到 12月宣佈拒玩，到今年 1月另組終極普選聯盟，終於在 3月接收到中方欲談判的意向， 5.16過後，成功爭取與中方破冰談判。何俊仁說，不支持公投只純粹從理念出發，因在《基本法》下，北京掌有權力，決定香港政制，「如果唔面對呢個現實，只能夠街頭抗爭，打游擊、上大帽山，搞武裝起義。」
他指民主黨的定位，是要結合社會上進步溫和大多數，透過選舉取得議席，再在談判桌上向政府施壓。「如果走向好意識形態，畀人感覺好偏激，中間派會冇信心，會對政治冇興趣。佢哋唔投票，成個民主運動就會散！」
明年區議會選舉及 2012年立法會選舉，何俊仁暫不估計結果，「有啲人話衰梗，有啲民調話我哋支持度上升咗。」他說自己非為選票從政，否則信念政綱可朝令夕改。 「如果我哋嘅理念唔得群眾支持，咁算啦，我哋鞠躬落台啦。如果日後 80後成為主流，咁咪佢哋去做啦，反正我差唔多六張嘢。」
| 
IP卡
狗仔卡
發表於 2010-6-3 08:34:51
提升卡
置頂卡
沉默卡
喧囂卡
變色卡
顯身卡
樓主
