收市分析- QE3前擔心美股大跌 (26/8/2011)

小靈精

開市: 19733
最高: 19919
最低: 19549
收市: 19582 (跌169點)
成交：587億

恒指今日上午牛皮悶局，但下午跌幅擴大，成交縮減到587億。恒指成份股大部份徧軟，近日喘定的水泥、濠賭和零售股亦普遍錄得2至5%跌幅。相信大市要等今晚聯儲局主席伯南克發表講話後才會出現明確方向。

其實市場普遍預期QE3推出機會不高，不過最大問題是大家唔知今晚美股有何反應。若伯南克演說令市場受落的話，美股大有機會上升，港股亦皆大歡喜。若QE3落空的話，美股下跌機會亦大，到時港股下星期一唯有陪跌，所以今日交投淡淨亦可理解，而前幾日低位撈貨者今日先獲利回吐，無畏受非戰之罪。

講番QE3，為何市場預期不高呢？理由有二。第一，經過前兩輪QE後，美國經濟未見起色，失業率只短暫下跌但又再回升，市場懷疑再推QE效力。第二，再刺激通脤，前兩輪QE巳推高全球通脤，美國亦不能獨善其身。若再冒高通脤之險去推行QE3的話，萬一經濟再冇起息，美國便很大機會陷入滯脤漩渦之中。所以，除非美國經濟真的出現衰退陰霾，否則QE3推出機會不大。對股市投資者來說，暫時謀定而後動為上策。