投機者日記 06-10/7

法拉利

上星期週結

恆指全日收18203點，升25點。國企報10983，升11點。期指即月報18140，升15點，低水63點。主板全日成交542.95億元。

昨晚公佈的美國6月非農就業報告。結果係美國6月非農業就業人口減少46.7萬人，預測為減少36.3萬人。合乎預期，道指跌左223點，2.6%，收8280點。至於阿爺就一於好少理，你有你跌，我有我升。佢先低開，後抽升，升28點，收3088點。至於香港，都係先低開，之後唔上唔落(升跌幾十點)咁，好似好迷咁，結果最後都係升15點收市。其實香港都好可憐，夾係阿爺(中國)同阿媽(美國)之間，都唔知點好。但係現實話比我地聽，加下邊話得事，就跟邊個(中國)。睇返個上海綜合weekly圖(圖一)，佢越升越有力，估佢都係大漲小回之勢。

今日市場焦點當然係霸王<01338.HK>啦，表面方面，霸王都算理想，最高見$3.2，全日收$3.03，較招股價$2.38，高$0.65。若果唔計手續費，每手賬面賺$1300。其實今日仲有一隻新股上市，就係秦發<00866.HK>。秦發最高見$2.8，全日收$2.68，比招股定價$2.52，高$0.16。唔計手續費每手賬面賺$320。總括而言，散戶短炒得米。

睇返港指，從週線圖來睇(圖二)，4週平均線低曬頭，而且上升之力越來越細，因此法拉利估計下周大方向為跌。日線圖來睇(圖三)，平均線集結一齊，現在只係等緊一個突破。係形態方面，左頂比右頂高，相信下一站係上一個浪既低 (17490,17325)。


Ref: http://xoxo.mw801.xoxo/big5/discuz/viewthread.php?tid=23190&extra=page%3D1

法拉利

恒指收市報17979點，跌 223點。國企指數收報10827點，跌156點。即月期指收報17934，跌206點，低水45點。成交金額 542億零 900萬元。


今日股市跟上周五的情況一樣，開市先跟隨外圍弱勢低開，隨後跟阿爺回升。但係今日有d唔同，下午開市後一瀉如注，跌返早上所做的升幅。


從大勢來說，跟上周五所說的一樣，疲弱向下。但微觀來看(15mins)，上周五同今日期指在18200-17900之間盤整。所以法拉利建議大家可以此區間之內作短期買賣。逄近區頂沽，近區低渣。

法拉利

港股今日先升後跌，主要原因是阿爺下午時加大跌幅。

恆生指數收市報17,862點，跌117點；國企指數收報10,674點，跌152點。即月期指收報17884，跌50點，高水21點。主板全日成交縮減至506.57億元。

如昨日之分析所說，期指徘徊於盤整區間(17800-18200)，今天下午一度跌至17778新低位，其後反彈百多點收17884點。

從大勢來說，跟上周五所說的一樣，疲弱向下。
用日線來講，期指平均線(4,9,22)己經連續有4日合在一起(此仍待變格局)，而且連續3日收市收在3條平均線之下。見(圖1)。呢個現象可能係一個對後市去向既提示(向下)。
從微觀(10mins)而言，此震盪區間仲係有效既。所以，係未有突破之前，法拉利會仲繼續建議係呢個區間之內作短期買賣。逄近區頂沽，近區低渣。見(圖2)

法拉利

大市低開209點後持續跌勢，指數最多跌 369點，下午恒指因為阿爺回升而收窄跌幅，收市報17721點，跌141點，成交570億5900萬元。即月期指收市報17,713點，跌171點，低水8點。

今日一開市己經突破左，而且處於區間之外開市。直接下跌至上周五談及之目標(17490)水平後作出反彈。常言道，當日的支持位，成今天的阻力位。所以縱使期指跟隨阿爺上升，但一碰到上幾日的支持線(圖1)就跌返來到。

未來方向都是按上周五所說的一樣，疲弱向下。用日線來講，4,9平均線都開始向下轉。相信都係繼續向下。而目標法拉利將會估計係先破上次個浪底先(17490,17325), 然後係黃金分割 23.6% 17,260水平。(圖2)

係呢個大市下，法拉利建議大家一係put，一係等下。大股就等佢平d先入啦，再唔係就找d 二, 三線股炒下仲好。

法拉利

大市高開後倒跌，但午後好轉，恆生指數收市報17790點，升69點，成交622億6100萬元。國企報１０６４１，升６７點。即月期指報１７７６３，升５０點，低水２７點。

今天繼中央有意打遏房地產消息傳出後，銀監會禁止商銀將理財資金投資於可 A股及相關證券基金，
只可參與新股認購，惟私人銀行不受限。入場費不可低於 10萬元人民幣。相信呢個消息對ａ股將會有ｄ壓力。

琴日都講突破左之後，當日的支持位，就成今天的阻力位。今日一開市就係之前個區間底線之下，所以之後就返曬落去。午市之後，期指好似反炒昨日一樣，跟返阿爺回升。雖然期指倒升收市，但係尾市都係受制於條阻力線(圖1) 。經過２日來睇，日後都係早市外圍，午市阿爺。

既然阿爺咁重要，咁我地一齊睇返阿爺個勢。大勢來看，weekly圖平均線全部順序向上的，而且由6月中開始力度加大了，所以大勢向上。(圖2) 但係有個隱憂，就係佢個macd 似係有個熊背馳，anyway, 順佢個勢先，等佢回先轉向都未遲。daily 圖，佢開始無咩力上，睇來都會係 3,000 左右要調整一番。(圖3)

HSI
方向都是按上周五所說的一樣，疲弱向下。日線圖來看，上個浪底(17490,17325)依然係目標。
若果日後仲都有機會回17800水平（之前區間的底部），法拉利相信佢係一個好好put既機會。除非佢成個勢轉反升啦。

法拉利

恆生指數收報17708，跌82點，國企收報10574點，跌66點，即月期指收報17725，跌38，高水16點。
成交額為525億1200萬元。

若你有睇到今個星期法拉利的投機者日記，而又有係周初的調整區中高沽，低渣，及係今日逢17800 put 的話，我相信你都有賺小小咁。上周五的目標曾經達到，可惜未能成功突破，相信只好留待下週吧。

大勢來看，weekly圖，4ma開始向下，而今日剛剛收在9ma(17673)之上，從力度來看，下跌力量加大了，所以相信下跌是下周的大方向。(圖1)
Daily 圖中可看到，全部平均線已經由集在一起轉到分開順序下跌，呢個相信係一個較大的單邊市的開始。但係由力度方面來睇，下跌力量未有加大，所以有機會在這個大單邊市的開始前有一少段的整頓，就像今周一樣。(圖2)
各位要留意了，找一個好位開put (17800)(圖3)。而今個下跌的第一個目標將會係今周未能成功破突(17490,17325) (上個浪之底)。(圖2)