今日大跌市有先兆 (22/9/2011)

小靈精

其實今日大跌市期實有跡可尋，若大家有留意昨日恒指走勢，預測今日大跌機會其實頗高。原因有以下幾點：

第一，昨日，恒指一開市便出現裂口下挫，而且只消幾分鐘便下跌300多點，走勢上同外圍完全背馳，目的是迅速形成低位出現，吸引買家入場撈貨，實際大戶正在沽貨離場。此外，內地股市更大升收市，不過完全無助港股跌勢，大戶出貨態度明顯。簡單講句，昨天全日是大戶沽貨格局。

第二，美國炒議息公佈巳一段日子，而且美股一直在高位11500點左右高位徘徊已久。而且市場大部人預期議息結果冇驚喜，只要出來結果符預期的話，回調壓力相當大，吸引大戶造淡吸引力相當高。

第三，期指收市突然炒低水98點。當然，這要待現貨收市後才知道，只不過是更加確認造淡部署。

最後，結果大家都知道，聯儲局議息結果符預期，美股大跌，港股大跌。
事實上，若果大家能留意到第一和第二點的話，應可於昨日收市前沽貨離場或對沖，減少今日大跌損失。