分享

雷文

節錄 曹sir日記 07/05

過去四年全球各國央行貨幣供應增長率達年率18％，在咁高速貨幣供應下，唔出現全球資產大幅升值才怪，此乃2003年全球至今經濟繁榮的背後理由。根據奧國經濟學派理論，透過增加貨幣去刺激經濟增長，只係扭曲經濟，遲早由資產升值轉為資產貶值，經濟出現Boom & Bust無可避免。1985年《廣場協定》G7迫日圓升值，日本銀行唔服而濫發日圓去減慢升值速度，同時宣布減息以阻止外資流入，結果引發日本泡沫經濟，前後四年多時間。1990年美國經濟出現軟著陸，美元回落兼減息，香港為阻止港元升值，不但將利率降至通脹率之下，同時多多都兌換美元（有幾多美元流入，香港便發幾多港元）。低利率及信貸大幅膨脹，令香港泡沫經濟維持的七年，泡沫到1997年8月才爆破。2001年1月美國聯儲局因擔心通縮而將利率由六厘二五降至一厘，美元匯價受殊仔宣布大幅減稅產生財赤及貿赤影響而貶值，資金大量流向中國、印度及其他新興市場。中國政府同樣宣布減息及多多兌現人民幣換美元，去阻止人民幣升值；2003年起內地樓價上升、2005年起內地Ａ股市價狂升。至於可維持幾耐？冇人知道。奧國經濟學派只話畀我地聽：政府咁做經濟必出現Boom & Bust，至於時間會幾多耐？日本係四年半、香港七年，中國則木宰羊。

　　在中國股民大擴容時代，股市症候群迅速擴散，只有睇得通的人才可免疫。股市症候群與戀愛症候群相似，例如經常患得患失；一時歡喜若狂，一時又痛徹心扉；有時火爆有時又情緒低落，即使賺到蚊年，只要別人賺得較自己多，已經唔高興。熱戀時期之人，一日不見如隔三秋；股市症候群亦一樣，一天不談股便覺得生活乏味。辦公時間偷偷睇股票行情者眾（一如熱戀中的男女去洗手間講電話一樣），男男女女三五成群大家交換股票貼士，搞到茶飯不思甚至瘋狂購物。炒股同戀愛一樣，大部分係盲目既，只有理性的人才可搵到好伴侶，經常換畫者最後必失戀收場。內地A股泡沫冇人知呢段日子可維持幾耐，未來調整幅度幾大及對中國實質經濟影響係點？今天中國GDP全球排名第四，並擁有全球最大外匯儲備，因此如中國出事，一定影響全球，但又唔知影響有幾大。同日本、德國唔同，佢地一度被美軍佔領，美國可迫日圓同馬克升值；中國係擁有100％主權國家，毋須畀飛士美國，唔會受美國壓力下調整人民幣匯價。換言之，1985至94年在日本出現的情況（日圓由240兌1美元升至79日圓）一定唔會在中國發生，但唔代表類似1990至2003年港式經濟情況唔會在內地重演。中國同香港唔同，至今中國仲係有外匯管制的國家，資金流入容易流出困難，1990至97年港式經濟泡沫亦唔可能在中國重演。至於出現1997－98年式國際大鱷發起攻擊港元匯率制度，在中國更加唔會出現。

  展望未來，估計人民幣仍保持年率6％速度上升（一如2006年），因此中國泡沫唔同日本泡沫，亦唔同香港泡沫，唔好硬把日本1985至2003年的情況套入中國，亦唔好用1990至2003年港式泡沫去預測中國。中國經濟泡沫表現係另一次全新體驗。中國經濟可否避免Boom & Bust結局？隨著經濟環球化，經濟盛衰周期愈來愈長，行業盛衰取代整體經濟盛衰。美亞證券分析員在4月16日發行的《福布斯》發表意見，認為從可靠數據睇搵唔到衰退的影子，在可見將來（或整個2007年）出現衰退的機會接近零！

金魔

原帖由 雷文 於 2007-5-7 12:56 PM 發表
節錄 曹sir日記 07/05

過去四年全球各國央行貨幣供應增長率達年率18％，在咁高速貨幣供應下，唔出現全球資產大幅升值才怪，此乃2003年全球至今經濟繁榮的背後理由。根據奧國經濟學派理論，透過增加貨幣去刺激 ...

雷兄：謝！心思慎密，精心選料，值得投機人仕深思

kitty13

THX

Touch

many thanks, Gentleman!

雷文

原帖由 金魔 於 2007-5-7 01:07 PM 發表



雷兄：謝！心思慎密，精心選料，值得投機人仕深思

恆指都督穿左個頂，睇來今天都是搵個位打靶算了! 明天亞爺開波，分分鐘又升多三兩百點，暈!!!

雷文

原帖由 Touch 於 2007-5-7 01:14 PM 發表
many thanks, Gentleman!

其實在下都想請教下d 英文好既人，君子英文係唔係gentleman?  

因為在下經常出入 gentlement 間房，都算君子吧!!!

金魔

原帖由 雷文 於 2007-5-7 01:21 PM 發表


恆指都督穿左個頂，睇來今天都是搵個位打靶算了! 明天亞爺開波，分分鐘又升多三兩百點，暈!!!

雷兄：股市本人甚少涉及，畀唔到意見，既然大市依附亞爺的走勢，咁就難有技術可言了

ac-mike

亞爺 = ?

BY

原帖由 雷文 於 2007-5-7 01:23 PM 發表


其實在下都想請教下d 英文好既人，君子英文係唔係gentleman?  

因為在下經常出入 gentlement 間房，都算君子吧!!!

Gentleman :

A well-mannered and considerate man with high standards of proper behavior.
绅士：举止文雅、体谅人的男子，有着高标准的得体举止.


雷文兄当之無愧！

金魔

原帖由 ac-mike 於 2007-5-7 01:41 PM 發表
亞爺 = ?

小姐：這是民间俗稱，中國政府=亞爺