嘈人超日記

星塵無悔

好贴,顶上....

睡睡

投资者日记 [曹仁超] 2008 08 04美国银行慢慢牺牲
[size=+0]
8月3日，周日。应该担心经济前景系一年前？事；即去年8月次按危机出现时，而唔系今天（今年8月）。至依家為止，贝尔斯登？股价已回落左91.5%、房贷美回落左86%、Washington Mutual回落左85%、雷曼兄弟回落左69%、美林回落左63%及花旗回落左59%。香港股市高潮喺去年10月，当港股直通车传到似真？一样时；到左今天，作為投资者请Don't cry over spilt milk（倒泻左？牛奶，喊都冇用），面对逆景应处之泰然，唔用呼天抢地亦唔使耿耿於怀，反正系倒泻？奶，只要从中汲取教训已足够。
透过1500亿美元退税计划（5月已寄出左800亿美元支票），令5月美国？消费出现另一高潮，但6月开始又再退潮，令股市出现五穷六绝七翻身？局面。相信由7月16日起，股市进入胶着？状况，唔算好亦唔算差，正式系半杯水。客观现实系美国经济出现信贷危机已一周年，虽然JP摩根大通愿意收购贝尔斯登，但IndyMac已破產。虽然利率由5.25厘降至2厘，以及联储局将28天短期贷款改為84天，银行可以将难以估值？资產向联储局抵押；政府同意挽救房利美及房贷美，而令今年第二季GDP上升1.9％，但美元滙价？回落令入口价较去年同期上升28.6％。最终美国政府能否阻止衰退出现？仍系木宰羊。
三十年代大萧条难复见
喺2002年佛利民？生日会上，佢？学生贝南奇喺芝加哥大学？谈话：「对於大萧条？分析，佛利民系岩？。因此，我地将唔容许佢再出现。」2002年佢的确扭转当年通缩？忧虑，带嚟2003到07年？繁荣期，但佢唔知道今天已系2008年唔系1930年；美国已有FDIC保证存款人喺商业银行？存款安全。因此，美国唔会出现挤提，只会出现银行被接管，甚至唔系1989年？储蓄及贷款机构危机。2002年佢？刺激经济政策，正好製造左2006年？楼市泡沫及07年？次按危机。今天面对楼价下跌、金融机构冇左贷款能力、消费者逐步减少消费，以及信用卡公司出问题，搞到唔少对冲基金出事。美国并唔会重演1930年代？大萧条，但好大机会出现九十年代？日式衰退。
次按危机爆发，最先系资金外逃，引发全球通胀压力（例如去年8月至今年7月金价、食物价及油价皆上升），此乃美元滙价下跌及美元利率向下所產生？现象，喺次按危机爆发下，资金找寻避难所系必然现象。资金外逃完成后，下一步系出现：信贷进入收缩期，美元停止贬值，利率停止下降（非美元区利率甚至上升去压抑通胀）。下陷压力令金价、食物价及油价回落，引发左通缩。估计金价极有可能喺今年3月17日每盎斯1032.7美元见顶、今年年底见915美元、2009年见850美元及2010年见725美元，最低价有可能见600美元！即系由1999年及2001年双底开始？黄金牛市到2008年3月结束。近日支持位喺850至875美元；仲未搞清？系今年7月系咪油价见顶？由油砂提炼石油每桶成本系50美元，一旦大量油砂矿投產，油价系无法定喺每桶100美元以上（1999年曾见每桶10美元？理由系每天过剩七百万桶），但油价下跌唔系好？消息。
2000至07年每五盎斯黄金中便有一盎斯流入印度（印度每年只能生產六吨黄金，而印度？新娘出嫁一如过去？中国人必需穿金戴银。印度虽然只有十亿人口，但每年对黄金？需求超过中国？57%），今年上半年中国对黄金？需求上升15%，同期印度？需求减少左65%。结果系金价回落；印度股市今年回落左30%，大大打击印度人对黄金？需求。印度？新娘出嫁时，一般配带十五盎斯黄金造成？四块金块，每块三点七五盎斯重，好鬼吓人！未来一至两年印度？经济令人担心，所以睇淡金价。
真正失业率更严重
由贝南奇出任联储局主席令今次信贷危机有如慢动作火车互撞；甚至较1990至2003年？日式衰退更慢；贝南奇可减慢经济滑落？速度，但改唔到次按危机造成？2万亿美元有关亏损？事实（已公布？系5000亿美元，即系仲有四分三未公布）。依家负债已等於美国人均收入140％（2000年系100％），今次甚至减息到1厘，作用都唔大（请参考日本过去？歷史）。担心美股唔系Baby bear，唔系Mama bear，甚至唔系Papa bear而系Perma bear！美国经济唔系急跌而系漏气。今次唔系流动资產危机（Liquidity crisis），而系偿付能力危机（Solvency crisis）；唔系短期资金周转问题，而系长期还债能力出左问题。上述？情况不但喺美国出现，喺英国、西班牙及爱尔兰亦同时上演。
美国劳工部公布，7月份失业率5.7％（6月系5.5％），已系四年内最高；工作职位总数连续七个月下降，减少左五万一千份，又以製造业及建筑业最多。马里兰大学经济教授彼得．莫里奇说：「唔少人放弃找寻工作，不然失业率唔只5.7％而系7.1％（失业者中有19.1％已连续失业六个月，呢类人好易变成永久性？失业。另外有D人只系搵到临时工而唔系长工，如果把呢D人剔出，美国失业率已高达10.3％）。十六到十九岁？失业率更高达19％（去年同期系15％）；甚至二十到二十五岁？失业率亦高达10％（去年同期系8％），情况同日本愈嚟愈似（失业率唔高因愈嚟愈多人放弃搵工。年轻人只搵到临时工而唔系长工，最后因不满社会而走去杀人）。

睡睡

信贷紧缩连同通货膨胀削弱左消费者？购买力，降低市场？需求，甚至连高速公路上？汽车亦少左；相反，派发免费午餐？施食处人龙却愈嚟愈长。美国人愈嚟愈唔愉快，愈嚟愈多人开始担心自己会失业。
反而中国近年透过收缩银根而阻止沪深A股喺去年出现狂牛（假如冇一连串？措施，相信沪深A股高点唔系喺去年10月，而系今年8月，指数最少12000点，然后一泻如注，跌落1200点）。2006年开始，人行逐步收紧银根策略令沪深A股平均P/E四十五倍便回落（日经1989年12月系六十倍；恒生指数1973年3月P/E最高见一百二十倍）。
踏入2009年，中国政府才会一步步放鬆银根及减息，协助沪深A股安全着陆。今年下半年沪深A股仍喺3000点之下整固，下跌空间唔少。中国今年起，经济进入软着陆，有理由相信大部分？金属价已见顶（尤其系铝）。依家支持金属价上升？动力系成本推动而唔系需求带动；如油价120美元关口失守，相信金属价可进一步回落。虽然油价已由147.5美元急跌，但8月系颱风月，仲有伊朗因素至今未有解决，例如以色列会唔会喺8月採取军事行动？
对冲基金排名榜
最先用宏观经济赚大钱？系索罗斯，其后唔少对冲基金经理追随索罗斯？策略，利用金融动盪而发大财！例如Clarium LP由Peter Thiel负责，今年7月25日止已赚左47％；Brevan Howard Fund Ltd由Alan Howard负责，利用去年9月至今联储局减息七次而為基金赚左18%；Macro fund 7月份却损失惨重，因佢地仍认為金融股继续下跌，油价继续上升，到左7月底止上半年蚀左7%。
今年至今為止，表现最出色？对冲基金经理系Thiel，佢2002年成立Clarium，当年佢协助网上支付服务公司Payral以15亿美元出售畀eBay Inc。其后佢估计油价迟早升上200美元而组成Clarium。近期却出售石油期货合约，因為佢相信政策制定者短期有能力压抑油价去打击通胀。今天Clarium资產值已达74亿美元，过去利用美股回落或美元回落去赚钱，最近喺石油期货平仓理由系因三十年期债券利率上升及相信美国步入通缩期（即系价格回落期）。
至於Howard喺2002年离开瑞信银行利率部，并成立自己？公司。佢準确预测短息同长息？关系，喺长短息差中赚钱，亦喺商品及新兴市场中赚钱。佢？睇法同Thiel唔同。佢认為美国进入滞胀期，价格仍会上升只系经济停滞不前。
至於Macro基金，虽然7月份损失好大，但睇法仍要参考。公司主席lan Plenderleith认為全球经济继续调整，过去由流动性过剩而低估？风险将慢慢调整过来。
不景气将吹到香港
今年78岁？索罗斯，过去从1990年东西德合併中因揸重东德马克而赚大钱；1992年佢估计英镑会退出ERM一举赚左10亿美元；去年从印度及中国股市中亦赚左3％；今年？策略系分散投资，至今為止成绩一般，上半年只赚左5.5％。
碧斯（Barton Biggs）？Traxis Fund，上半年蚀左10％。佢认為下半年美股仍会好转及商品价格跌番30％。
各位唔使抱怨股市唔好而赚唔到钱，真正？理由系阁下眼光唔好。今年首七个月仍有人获得47％回报，你？成绩又点？
投资市场唔系谈情说爱？地方；唔好恋上你？投资。投资市场系一个无爱无恨？地方，百分百需要理性？分析。技术上睇股市已进入熊二（上落市），喺烈日暴晒下难找寻投资？项目。
美国不景气最终会吹到亚洲；我地无法decouple（因為美国唔系日本）。香港同新加坡金融业佔GDP比重愈嚟愈大；香港经济？盛衰由1980年开始已非出口或製造业决定，而系内需；1997年起香港经济盛衰甚至唔系内需决定而系金融。点样避免受美国不景气？影响？
如果美国？经济陷入漫漫长夜，香港经济几时先见黎明（根据分析，美国将经歷一次系统性？金融危机）？上周五加州？First Priority Bank又畀金融监管局宣布资本不足而接管，美国八千六百间地区性银行有几多间喺今次？金融危机下消失？

gmnn

好贴顶上， 就是字太小 看着有点累。

杏仁餅

以為大家對嘈人超的下部沒興趣，所以只展覽上部。否則一定安排大家看全部！

Tang

原帖由 杏仁餅 於 2008-8-4 06:26 PM 發表
以為大家對嘈人超的下部沒興趣，所以只展覽上部。否則一定安排大家看全部！

好熱鬧啊!

杏仁餅

原帖由 Tang 於 2008-8-4 06:56 PM 發表

好熱鬧啊!

Tang哥最近好似食左啞藥，
近排的戰績如何？
可有打敗金魔？？？

Tang

原帖由 杏仁餅 於 2008-8-4 07:01 PM 發表

Tang哥最近好似食左啞藥，
近排的戰績如何？
可有打敗金魔？？？

最近因經常不在港所以沒做單,更重要的是,還是金魔的手下敗將,所以近日只是觀戰...