黃金回復身份

susanne85

升呢

呵呵，终于有买家了，下辈子不愁吃喝了。
笑傲江湖 發表於 2010-10-6 06:49 PM

    笑兄, 不要誤會! 我不是要直接買入你的血, 我只是想買你的血洐生出來的副產品 (上市後的股票)

主要是

據世界黃金協會2009年公佈,目前全球地上黃金存量為16．3萬噸,其中首飾用金占最大比重,達到8．36萬噸;黃金個人投資量達到2．73萬噸;各國黃金官方儲備總量達2．87萬噸;工業和其他用金量達到1．97萬噸,其餘仍有數千噸為不確定去向,如黃金製品隨同沉船沉入海底等。而且,目前全球已確認的地下存金量為2．6萬噸左右,以目前黃金開採速度,可供開採10年左右。

而笑兄的血應該怎樣都沒有16萬噸, 價格升跌在乎於市場供求, 你的升實在比世上的黃金稀有得多呢 ....

btw, 有沒有市場價值是另一馬子的事

升呢

你的血實在比世上的黃金稀有得多呢 ....
{: ...
升呢 發表於 2010-10-6 08:41 PM

升呢

真不明道出黃金洋洋千字的成本, 卻叫人做多....,,費解
桄榔樹 發表於 2010-10-6 07:05 PM

    如今晚真的見 1339.9, 小注1手多單, 繼續多多多   stop at 1335

座艇皇

一個人一噸血都沒有，笑兄好貴啊！

笑傲江湖

一個人一噸血都沒有，笑兄好貴啊！
座艇皇 發表於 2010-10-6 09:38 PM

    有人买就会贵的，就和黄金一样。所以你想值钱也要去找个买家。

笑傲江湖

如今晚真的見 1339.9, 小注1手多單, 繼續多多多   stop at 1335
升呢 發表於 2010-10-6 08:45 PM

    1333-1326小注多单比较合理。

升呢

回復 35# 升呢


    在網上隨處瀏覽, 看到一篇曹仁超先生於 2005年寫下的文章, 轉帖出來看看與今天有多少雷同!

字要大一點方便大家收藏


註 : 文章刊於2005年9月 當時金價突破前高位450美元水平, 有興趣可自行看看圖表.

世上冇免費午餐，明年係咪美國人為過去二十年入不敷支付出代價嘅日子 (計多5年共25年洗腳唔抹腳) ？今天中國加香港持有八千七百億美元外滙儲備(截至2010年第2季, 中國外滙儲備有2.5萬億美元, 小香港來來去去重未夠2500億美元, 真刁臉)；南韓、台灣、新加坡加印度亦唔少，共七千億美元。唔似日本手上嘅美元唔會動用，呢一萬五千七百億美元隨時想買嘢（中國最想買資源），牽一髮動全身。金價已衝破四百五十六點六美元前高點，短期喺四百七十五至四百五十七美元上落，下一目標價五百五十美元。1973年石油危機至今，石油與金價平均比例係十四桶油換一盎斯黃金（1986年7月三十二桶油換一盎斯黃金，今年8月係六點二桶油換一盎斯黃金），今天如果唔係油價太貴，便是黃金太便宜！即使油價跌至五十美元一桶 (今天油價在80美元一桶, 升左六成)，金價仍可升到五百五十美元以上(今天金價在1350, 按450計升左三倍)！

　　喺七十年代黃金大牛市，金價調整幅度曾超過前升幅 50％，令唔少信心不足嘅黃金揸家拋售。例如1969至74年金價由三十五美元升至二百美元後，1976年金價曾跌至一百一十美元，1976年下半年再開始回升，並喺1980年1月21日見八百五十美元。呢次金價由1999年二百五十二美元上升（亦有人認為係喺2001年二百五十六美元起步才真確），至今金價只及1980年1月21日55％，上述未計過去二十五年美元購買力下降，黃金上升期未來仍有五年(今天是2010年10月初, 剛好5年)，不過喺上升周期中，顛簸不定無可避免。經濟係人生百態嘅反映，絕非科學，投資情緒往往左右短期波幅，但對長期趨勢影響有限。七十年代黃金升市到1976年下半年，升幅才擴大；1999年（或2001年）開始嘅黃金牛市喺五百美元或以下，相信仍將溫和上升，較大升幅相信要到明年下半年才發生，因為今年至明年首季仍係美元滙價強勢期，可壓抑金價上升，明年2月 1日格蛇退休後，聯儲局新主席除非狠心大幅加息大力壓抑通脹增長率，不然明年第二季黃金才真正作怪 (金價於2006年5月造出730美元高位)。1970年如果你投資十萬元喺黃金身上，1980年變成二百萬元；1999或2001年你用二十五萬元購入一百両，到2010年值幾多錢？無人可答你 (我答你 今日剛好是104萬港元, 升四倍, 有排都未追到70年至80年那十年)。過去五年金價升85％，你嗰二十五萬元已變成四十六萬元；反之，恒生指數2000年1月係17000點，至今仍損失10％(今日好叻啦, 恆指上到22880, 幾好意頭, 升1.5倍)；樓價除豪宅外，一般五百呎至一千呎住宅樓價至今仍略低於2000年首季 (無具體數字, 不過一定貴過97)！過去五年真正上升嘅係黃金，唔係股票或物業，黃金升幅甚至跑贏英國物業（過去五年上升50％）更跑贏美國、加拿大、澳洲物業（過去五年升幅全部不足50％）！ 2001年1月開始減息製造出嚟嘅2003年、2004年及2005年經濟繁榮，係建基於猖獗的投機活動，而非財富創造，寬鬆貨幣政策加上低利率，令 2001至04年港元滙價追隨美元貶值，再次引發本港2003年第三季開始炒樓及炒股狂潮 (好熟, 真係好熟, 唔記得幾時見過)。今年港元滙價已隨美元上升，經濟復甦咗兩年，租約今年到期嘅零售舖位租金一加就係50％甚至100％，期望中嘅迪士尼效應似乎雷聲大雨點小。隨着低利率時代結束，明年投機情況漸漸收斂，香港情況又如何？相信較今年貴嘅項目便是黃金，各位同意唔同意？

回首前塵高處未算高

　　有智慧不如趁勢。金價喺1999年二百五十二美元及2001年二百五十六美元形成雙底開始上升，一浪高於一浪何時結束？今天回望，二百五十六美元自然相當吸引，可惜時光不能倒流，只會永遠向前；今年四百二十六美元亦漸漸變得吸引。喺黃金牛市中可能買貴，但唔會買錯，因為下一個浪嘅高點必較呢個浪嘅高點更高 (呢句真, 上星期最高 1320, 你估要咩時候先見番, 我都費事提前高位 1265了) ，一如1984至97年香港樓價即使你喺1990年買入（當年唔少人認為二千元一呎好貴），事後睇番原來已算便宜，今至於邊一日結束？唔好扮先知，可能係明天，可能係明年，可能係五年後，甚至更遠更遠！直到趨勢結束為止！ (呢句狂頂)   分析員Christopher Wood估計，2010年金價可見三千四百美元一盎斯（嘩！），佢認為金價喺七十年代上升二十四倍，喺二十一世紀十年內升幅只要達七十年代升幅嘅 61.8％（即十四倍），已可見三千四百美元！里昂天睇嚟似係幻想價，但七十年代有幾多人相信金價可見八百五十美元？1984年有幾多人相信香港樓價可由每呎六百元升至1997年一萬二千元？2001至04年又有幾多人相信歐羅可以喺三年內升60％？2002年又有幾多人相信油價可見七十美元一桶？

　　今天美國不能停止增加貨幣，歐盟亦唔容許歐羅滙價大升，日本力壓日圓升值，中國一再拒絕人民幣大升，資金何處去？(呢句又係好熟, 真係好熟, 唔記得幾時見過)。如你早把資金10-15％持有黃金，請繼續持有吧！如你冇咁做，趁金價仍便宜，亦可利用每次回落吸納。一個中國、一個印度，加上五十七個回教國家都計劃增持黃金，只有歐盟中央銀行喺2008年前每年拍賣五百噸黃金（2008年後擔心全球冇一個中央銀行肯再賣金），即2005－06、2006－07及2007－08年9月止仍有一千五百噸黃金嚟自中央銀行。南非最大產金國嘅貨幣蘭特過去十八個月升值60％，令南非產金成本過去十八個月大升，World Gold Council今年報告指出，去年黃金供應量較2003年減22％，不足之數由投資者喺今年上半年獲利回吐抵銷。世界最大金礦Newmont嘅主席 Pierre Lassonde話，即使金價見五百美元，仍唔值得投資開採新金礦，要金價升至一千美元，新金礦才有投資開採價值，但需時四至七年才開發到一個新金礦。換言之，黃金短缺期係2008年或以後！五百美元或以下嘅黃金絕對擁有投資價值，我地保守Ｄ估計，2010年金價見一千美元 (你估錯左啦, 金價在2008年3月已初見一千蚊, 比曹sir預測早左33個月達標) ，五年升值一倍以上嘅回報率，仍然好吸引！ -----老曹