新股速遞

好孩子

好孩子

好孩子

新股上市消息

股票編號：06808 股票名稱：高鑫零售

【足額認購】認購反應熱烈，國際配售反應理想之外，公開發售部分首日孖展亦已足額，錄得超過10億元認購，相當於超購0.3倍。

集團主要股東大潤發在上海一家分店的儲物櫃周一發生爆炸，警方昨晚拘捕一名涉案男子，暫時未知事件是否與公司上市有關。高鑫方面稱，事件中無人受傷，也無任何財務損失，大潤發已將事件交由警方處理。

股票名稱：徐工機械

【申請上市】傳內地最大起重機生產商徐工機械，計劃9月底至10月初來港上市，擬籌集10億至15億美元，並已向港交所（00388）提交上市申請。法國巴黎銀行、中金公司、瑞信及摩根士丹利負責是次發行安排。

股票名稱：藍星安迪蘇營養集團

【重推上市】據外電消息人士稱，營養性飼料添加劑生產商藍星安迪蘇營養集團，計劃9月重推其價值高至15億美元的香港首次公開發行。該公司去年11月暫停其上市計劃，中銀國際、建銀國際、花旗集團、德銀、高盛及摩根士丹利負責安排該宗上市計劃。

好孩子

高鑫熱爆燈 影子股掘金

市況回穩，IPO又再火熱起來，市值料逾600億元的新股高鑫零售（新上市編號︰06808），首日公開招股便已錄得超額認購，國際配售亦已超購10倍，霸氣十足。另邊廂，部分超市、百貨股近日亦蠢蠢欲動，說不定搶在火熱新股上市前，先有一着炒影子股風雲。
---------------------------------
1. 高鑫首日已超購
Bella︰「哇，阿爸阿媽真係有先見之明，高鑫零售反應好熱烈，首日招股已獲超額認購，國際配售亦錄得超額認購10倍，佢哋話，呢隻係內地「沃爾瑪」，有賣點，所以借咗唔少孖展抽新股，有份谷行佢，貢獻仲唔細。
內地市佔率12%
高鑫唔止有經營平價超市，亦有綜合商業街，定位介乎超市和百貨店之間，主要以「歐尚」及「大潤發」品牌經營大賣場，喺內地有196家分店，市佔率12%，高過晒沃爾瑪、華潤等對手。集團CEO梅思勰更預計，今年底前分店數目可增加逾30家。
唔講唔知，原來高鑫個名都有寓意，「高」代表愈來愈多，「鑫」指多金，寓意財源滾滾，認真好意頭，希望股價都可以愈升愈「高」，股民愈來愈「鑫」啦。」
---------------------------------
2. 吼超市百貨影子股
Chi Lam︰「高鑫孖展咁爆，加上近日個市好番啲，炒影子股或者可以執到多少零用錢，有食唔食，就真係罪大惡極，等我睇睇有乜靚影子股可以傍下身先。高鑫經營嘅大賣場，有啲似百貨公司Crossover超市，所以呢兩個板塊都係潛力股之選。
華地兼營百貨店超市
聯華超市（00980）、物美商業（01025）、華潤創業（00291）都有經營超市，而京客隆（00814）除經營超市外，亦有唔少便利店。
至於茂業國際（00848）、金鷹商貿（03308）、新世界百貨中國（00825）、春天百貨（00331）、銀泰百貨（01833）、歲寶百貨（00312）都係經營百貨公司，利福國際（01212）基地雖然喺香港，但內地亦有佢嘅百貨店。
最特別嘅係華地國際控股（01700），百貨店與超市兩者兼營。
我喺唔少保薦人報告上睇到，大行多以超市股同高鑫作比較，話唔定我哋可以從呢個方向入手。」
---------------------------------
3. 聯華茂業有機會炒上
Chi Lam︰「超市股當中我最like係聯華，過去5年盈利穩步增長，ROE（股東回報率）連年擴大，市值又與物美最相近，近期股價走勢圓底回升，上升途中成交放量，炒味濃郁，正！
此外，百貨股茂業亦係「我的最愛」，第一季嘅同店增長已達30%，茂業股價呈三角形整固，近日成交見輕微放大，谷住谷住似醞釀突破，高鑫招股成績掂，個市又上番啲兼多番啲成交，我認為茂業會爆上多過爆落。
估值處於中游位置
超市百貨股嘅估值中，聯華同茂業處於中游位置，要炒上都唔係話冇水位喎！
講開估值，莫尼塔證券講過，通脹高低原來同百貨零售股的估值好有關係，而喺經濟平穩增長、通脹穩定可控嘅環境下，百貨零售股喺下半年嘅估值通常可以跑贏大市，而家個個都覺得內地通脹會見頂，話唔定資金已靜雞雞喺百貨零售股上有所動作，家姐，你又點睇？」
---------------------------------
4. 打工仔加薪旺消費
Bella︰「講開又講，前兩日公布嘅「人力資源和社會保障事業」十二五規劃綱要，首次將最低工資年均增長率加入5年規劃入面；內地賺緊最低工資嘅民工，5年後人工可能增加1倍。
超市服裝連鎖店受惠
目前全國31個省區市，最低工資平均只得每月750元人民幣。不過，如果規劃落實，嚟緊5年嘅最低工資，每年平均要增加13%。內地有關部門就話，其實每年加人工13%只係保守估計，因為好多地方政府都提出人工倍增嘅目標。「十一五」期間，最低工資已升咗一倍，所以「十二五」期間再升一倍都唔出奇。
唔單止加人工，全國人大啱啱通過咗新嘅所得稅法例，打工仔仲有得減稅。居民荷包脹咗，交稅又少咗；所以東方證券都話，消費意慾大增，一啲售賣日常消費品嘅超市、服裝連鎖店最受惠。」
---------------------------------
5. 百貨業藉併購擴版圖
Bella︰「調番轉頭睇，阿爺喺推動居民消費真係不遺餘力，又減稅又加人工，你睇吓，過去幾年內地人均消費性支出不停咁升（見圖3）；反而香港話派6千蚊都要派成年，工作效率有板你睇。
所以唔少國際性嘅大型超市、百貨公司都紛紛走到內地開舖，務求賺盡人仔。由於內地嘅家庭百貨愈開愈多（見圖2），競爭都咪話唔激烈，唔少透過收購同業擴大版圖，好似舊年茂業收購楊子江百貨、09年韓國零售巨頭樂天收購時代零售咁，一句講晒，汰弱留強。
內地購買力待釋放
之前睇過另外一份莫尼塔嘅報告，佢地話內地百貨公司嘅經營成本不斷上升，將會有更多自營品牌出現，唔知將來會唔會出現銀泰香水、或者新世界波鞋呢？不過話時話，份報告叫投資者留意四川重慶、東北、華東同華中地區嘅零售業，貪佢哋未完全釋放購買力。咦？似乎除華南外，處處有黃金喎！」
﹏﹏﹏﹏﹏﹏﹏﹏﹏﹏﹏﹏﹏﹏﹏﹏
【股壇Gossip】
˙猛虎不及地頭蟲
喺香港，百佳可以話係無處不在，同另一超市巨頭惠康共佔香港超市市佔率逾7成；近年，百佳亦積極開拓內地市場，由1984年喺深圳開設首間分店後，至今已有40幾間分店；不過，猛虎始終不及地頭蟲，一間開設於成都的百佳最終要關門大吉。
間成都百佳經營咗5年咁耐，但生意麻麻，因為四周被5間大型超市夾攻，分別係家樂福、沃爾瑪、好又多、卜蜂蓮花（00121）及人人樂，產品售價又唔係特別平，惟有關門。
...................
˙海南超市賣愛心蕉
尋日喺超市買香蕉，每磅盛惠3隻8大元，但原來喺一海之隔嘅海南，每公斤只需4亳子，就算計埋滙率，每磅都只係港幣2亳子，真係平到喊，有啲農夫仲用嚟餵豬。
今年4月中，海南香蕉平均每公斤都要6.2蚊，短短2個月內，急跌到4亳子。啲蕉農就慘囉，行內人士估計，今年有95%蕉農都要蝕錢。
其實種蕉行業都有一個「一富一平一虧」嘅說法，即係話，若果種蕉3年，第1年賺錢，第2年無賺無蝕，第3年就要虧本，之前2年蕉價狂升，今年啲農夫咪一窩蜂咁種蕉，卒之供過於求，蕉農蝕到入肉。
不過，好彩部分海南超市推出「愛心香蕉」，以每斤實惠價0.98元人民幣，幫助下啲蕉農，市民反應都幾踴躍哩。

好孩子

好孩子

光行受制「H貴過A」 上市進退兩難
力爭成為「今年集資王」、原擬籌468億元的光大銀行（新上市編號︰06818），招股大計雖然延遲，但市場消息指，光行仍傾向H股售價較A股有溢價，只是在現時市況下恐有難度。
原擬本周一公開招股的光行，因上月底市況不穩而延期路演，目前仍未擬定新時間表。惟消息指，市面的內銀股H股股價皆高於A股，「肯定（光行）H股不會平過A股」。以昨日收市價計，民行（01988）H股較A股溢價約3.5%，農行（01288）H股更有約27%的溢價（見表）。
市帳率1.58倍 基金無興趣
事實上，光行曾發公告稱，H股發行價將充分考慮A股現有股東利益，市場亦大多解讀為H股售價將不可低於A股。光行A股昨收報3.38元人民幣，預測2011年市帳率（PB）為1.58倍。不過，光行要以溢價發行H股恐有一定難度，因目前投資界似對上述估值未感興趣。有基金經理稱，光行規模及模式與民行及信行（00998）較接近，以兩者2012年市帳率分別為1.3及1.2倍計，期望光行新股亦有一定折讓。
此外，淡馬錫昨晚連環配售中行（03988）及建行（00939），集資逾273億元，市場對內銀股的購買力亦勢打折扣。
光行是次擬發行不超過105億股H股，另可超額配售15億股，總數多達120億股；以A股昨天收市價計，H股集資額最高達405.6億元人民幣。值得留意的是，前年底掛牌的太保（02601），在A股上市的招股書中也曾承諾，H股發行價不低於A股。惟先A後H上市的太保，受A股持續走低所累，H股遂以28元招股，其定價與當日的A股股價相比，有近3%折讓。

好孩子

好孩子

高鑫孖展近24億 超購1.9倍

新股暫掃陰霾，現正招股7企中，焦點股內地大賣場龍頭高鑫零售（新上市編號︰06808），孖展借貸已超過公開發售認購額近兩倍，國際配售亦提早截飛。 本報總覽14間為高鑫提供融資服務的經紀行，單是成績最標青的國泰君安（01788）已借出7.5億元；而總共有11間券商報數，合共借逾23.88億元孖展，以該股公開集資額8.24億元計，相當於超額認購1.9倍（見表）。 大戶踴躍 配售擬提早截飛 至於國際配售方面，據市場消息透露，於內地大賣場市佔率領先沃爾瑪及家樂福（Carrefour）的高鑫，由於反應勝預期，故擬將國際配售的截止認購日期，由原來的周四（7月7日）提前至今日（7月6日）。 不過，有基金經理聽聞公司欲以上限定價，擔心以今年預測31倍的市盈率計，估值太高，屆時除非高鑫被納入大型指數，吸引指數基金追貨，恐防上市初期升幅有限。 金盾衝刺 錄逾10頭錘飛 其他新股方面，今天有4隻新股公開招股截止認購，市場消息指，當中有3隻已足額夠數（見表）。最旺場的是金盾控股（新上市編號：02123），吸引不少最後衝刺的孖展客，輝立及信誠更合共錄得約10多張頭錘飛（即上限票），共涉資逾8,600萬元。 而另一內需股青蛙王子（新上市編號︰01259），多家本地券商合共借貸11.5億元孖展，超過公開集資額9.2倍，較周一的8,800萬元大增。消息指其國際配售亦已足額，更獲中投入飛認購。至於經營武漢地區批發城的卓爾發展（新上市編號︰02098），未有受惠近日內房股轉熱，只錄約100萬元孖展。 另消息透露，新加坡上市公司汎港地產，計劃分拆江西漢港房地產來港上市，將於下周一推介，保薦人為匯富。此外，外電指，營養飼料添加劑生產商藍星安迪蘇，擬9月重新招股，集資15億美元（117億元）。

好孩子

好孩子

新股上市消息

股票編號：02098 股票名稱：卓爾發展

【足額認購】市場消息指，內地大型消費品批發市場物業提供商及運營商卓爾，昨日公開招股截止，公開部分已獲得足額認購。卓爾招股價介乎2.89至3.57元，以中間價計集資淨額16.3億元，每手1,000股，入場費3,606元，將於7月13日上市。