新股速遞

好孩子

好孩子

好孩子

高鑫爆升輻射效應 消費股盼再下一城

高鑫零售（06808）昨日掛牌上市，股價爆升4成，連帶半新股新秀麗（01910）、普拉達（01913）亦創上市新高，本欄主角之一阿愷亦因為短炒高鑫贏錢。或者大家坐名車、戴名錶嘅同時，亦可以留意高端消費股嘅投資機遇。
內地居民追捧 珠寶靚車名錶
阿愷︰「Summer，我抽中咗60手高鑫（06808），掛牌首日升咗4成！今晚請你食糖水喇，不過唔可以嗌超過10蚊！我個friend就慘喇，抽中咗44手iBond，我1日賺到嘅，佢3年後都追唔到，呵呵！
老老實實，隻高鑫升到嘭嘭聲，噚日收市時市值接近950億，仲大隻過金鷹（03308）、銀泰（01833）同華地（01700）幾隻百貨股加埋！不過第一日就谷到爆，其他消費股可能仲好炒。
其實過去半年，中港兩地嘅零售銷售增幅都好強勁，香港受惠自由行嘅消費增加，5月份按年零售銷售總額增長達27.8%；內地6月份嘅數據都有17.7%嘅唔錯增長。而8月1號同9號，香港及內地分別公布6月及7月份嘅零售銷售數據，呢排市道咁旺，消費股好大機會繼續升喎！
奢侈品過去一年漲價7.7%
唔單止數據理想，最近有唔少國策推出鼓勵內需，簡直變相支持消費股。總理溫爺爺就簽署咗第600號國務院令，今年9月1日開始，個人所得稅嘅免稅額提高至3,500蚊人民幣，稅率亦會調整。高盛就話，此例一出，6,000萬人會逃出稅網，中產仲會最受惠。
隨住平均工資上漲，內地城鎮居民人均可支配收入都不斷上升（見圖2），連富豪數量都增加埋。胡潤話，目前中國有6萬個億萬富豪，而千萬富豪更達96萬個，金銀珠寶、名車名錶等自然愈來愈受歡迎（見圖3）。胡潤最新調查顯示，過去一年各種奢侈品嘅物價，平均上升7.7%，過富豪生活嘅成本增加咗880萬！
富豪對奢侈品加價嘅敏感度一向較低；而名牌嘅毛利率又偏高，高端消費股似乎係「明日之升」喎，Summer，你有咩好推介呀？」
---------------------------------
東方表行無膽追 里昂薦英皇鐘錶
Summer︰「我最鍾意就係研究消費股喇，唔怕悶親吖嘛！計我話，揀消費股同揀男朋友一樣，你愈有本錢嘅時候，當然愈想更上一層樓，揀個至top、至貴嘅嚟襯自己啦，帶個靚仔出街同帶個靚手袋出街嘅道理根本係一樣。
所以愈有錢消費力愈強，炒消費股就要炒奢侈品牌，不二選！里昂兩個靚仔分析員Paul同Marcus話我知，6月份中國進口瑞士錶達1.46億瑞郎新高，只係比排第2嘅美國少1,000萬瑞郎，東方表行（00398）升咁多我就唔敢追喇，但英皇鐘錶（00887）係里昂首選，我覺得而家追都仲未遲。
睇好耀萊周生生普拉達
不過，如果要玩高檔貨，我覺得耀萊集團（00970）可以睇高一綫，呢隻股由搞漫畫變身賣富豪玩意，一睇就知有「錢」途啦！佢連林寶堅尼都有得賣，三星證券都睇好呢樣業務，預測2011/12年度盈利可跳升5成，圖表上整固待破，成交配合，就開車喇。哎，如果可以有靚仔開架林寶堅尼載我去深井食糖水就好喇。
閃令令嘅珠寶股都吸引到本小姐目光喎，未來資產預計，珠寶板塊喺未來3至5年都會跑贏其他零售板塊，金飾仲可以有抗通脹作用，正過iBond，周生生（00116）啱啱突破，我會揀佢。
近日兩隻國際大品牌股新秀麗（01910）同普拉達（01913）升勢攝人，新秀麗仲獲高盛、大摩、滙豐唱好嗌買入，不過我會揀番普拉達，佢啱啱突破，無新秀麗升得咁急，有信心啲！」
---------------------------------
百貨股異動 華地可冷敲
Summer︰「雖然奢侈品牌消費股係吸引，但我都無忘記噚日爆升逾4成嘅主角——高鑫係經營大賣場嘅。高鑫咁強勢，話唔定對同類型股份，如商場、超市百貨股會有輻射效應喎。
好似噚日急升7.3%嘅茂業國際（00848），旗下銷售一大主力成商集團啱啱公布上半年多賺逾5成，持66.78%權益嘅茂業可以攤佔6,652萬人仔。
美銀美林讚好
不過講開百貨股，其實我較睇好一直頗受市場忽略嘅華地國際（01700），上年年尾先嚟上市，股價一直喺5蚊至7蚊間游走整固，今年以來獲創辦人兼主席7度增持，華地好特別，係百貨與超市嘅fusion，美銀美林都讚佢具地區優勢、舖齡細、背後資產強勁，其中百貨店首季同店銷售增長36%，上月底美銀美林俾8蚊目標價，我覺得並唔進取，要炒百貨股，我會揀華地。」
﹏﹏﹏﹏﹏﹏﹏﹏﹏﹏﹏﹏﹏﹏﹏﹏
【專家廣場】
屈宏斌︰二三綫城市潛力大
中國增長動力由投資主導逐漸變為消費，中央認準消費主導方向，我相信政府將投放更多資源，推行更多政策，如調減個人所得稅等，而中央亦不會打壓消費。
因為內地老百姓儲蓄率很高，佔每月收入35%，只要未來幾年，老百姓減少儲蓄5%，對消費市場影響就不得了，加上內地消費者很少借錢消費，所以調控對佢哋嘅負面影響不大，反而加息會令到老百姓有更多利息收入，有助刺激消費意慾，
內地二、三綫城市的增長勢頭，反而比一綫城市更快，例如內蒙古、貴州等，上半年GDP增長約15%，幾近全國增長的一倍，但上海及北京增長反而不及，因為這些城市樓價實在太貴，對中下階層來說，樓價高企，物價水平高，會蠶食他們的收入，削弱他們的消費力，所以二、三綫城市的投資機會更大。
■ 滙豐經濟研究亞太區聯席主管兼大中華區首席經濟師屈宏斌
---------------------------------
溫天納︰減奢侈品稅只有利Prada
內地消費股睇兩樣嘢︰奢侈品稅是否會放寬、減低個人所得稅，呢兩個係政策性支持。不過，我覺得後者已經喺股價度反映咗，但前者因為仲未落實，所以有空間憧憬吓，若果落實嘅話，最受惠只得Prada（01913）一隻，同埋基金都睇好Prada，因為市場得佢一隻，可取代性較低，市值大，未來納入指數成分股的機會亦較大。
反而香港消費零售概念就唔夠內需概念好，因為係租金、人工上升之下，會蠶食咗盈利。
■ 招商證券香港投資銀行業務董事總經理溫天納
---------------------------------
高毛利品牌有優勢
喺高通脹底下，高毛利嘅公司表現都會較好，因為議價能力較強，特別係一啲唔Standardize嘅產品，好似Prada咁，只要佢換個款、換個顏色、換個size，個價已經唔同，所以要買啲有議價能力嘅消費股。

心水股揀Prada新秀麗
若果你已經錯失先機，咁都要揸返住碌竹，求其買住少少先，等佢跌吓，先再加注。所以要我揀，我鍾意Prada、新秀麗。不過，新秀麗估值平啲，但有隱憂，因為行李箱係啲可換可不換嘅嘢，若果經濟唔好，佢啲生意會縮得好快。
消費股都有得有唔得，好似李寧（02331）、王朝酒業（00828）、通天酒業（00389）就唔多得，所以我打死都買牌子，因為品牌嘅嘢，消費者覺得OK就OK，覺得唔OK就唔OK，唔會搵其他嘢替代，正如你買唔到Nike，你會唔會買李寧？
我甚至睇好埋美股，例如化粧品集團Estee Lauder、珠寶首飾商Tiffany & Co，係邊度掛牌唔係一個問題，個故事都係一樣。

好孩子

好孩子

LV先報喜 谷起新秀麗Prada
法國奢侈品旗艦LVMH業績創歷史新高，加上證券商新出的研究報告，對新秀麗（01910）前景一致看好，令本地上市的名牌股看來「有名有實」，股價急升3%至6%不等。
LV：奢侈品需求 無減慢迹象
LVMH上半年純利按年勁升25%，不單超出市場預期，股價更創22年來新高。擁多隻奢華品牌的LVMH表示，市場對奢侈品的需求「無減慢迹象」，投資銀行亦紛紛上調其盈利盈利預測及目標價。
事實上，滙豐估計中國奢侈品市場現時規模約130億美元，預計未來會以每年23%的速度，在2020年躍居全球第一，屆時中國更會超越美國，成為全球第一的消費大國。
該行大中華區首席經濟師屈宏斌表示，內地經濟增長正由投資出口，轉變為消費驅動，相信未來北京會繼續推出稅收等一系列刺激消費的措施。他續稱，雖然內地仍實施緊縮政策，但並不對消費環境帶來影響，加息所帶來額外的利息收入，反而有助居民增加消費。
滙豐環球銀行消費品及零售業務組主管鄧慶志補充，內地超級市場及購物廣場興起、信用卡廣泛流通、中國「送禮文化」盛行，都有利於消費增長。
高盛薦新秀麗 Prada挑戰50關
上月掛牌時，股價一度潛水的新秀麗，昨日於「封嘴期」（blackout period）屆滿後，即獲大行唱好，股價再度飈升。
高盛稱其未來有力獲更多市佔率，規模效益再明顯下，估值亦不算太高，予其「買入」的投資評級，目標價則定於20元。
新秀麗除了知名品牌外，盈利能力獲大行認同，股價即時受惠，昨一度再創上市新高，收市急升近6.6%至16.8元，成交逾3億元。
目標市場針對更高端買家的意大利的Prada（01913），股價更曾突破50元大關，收報49.45元，升1.75元或3.7%。值得留意是，6月24日上市的Prada，封嘴期將於8月4日屆滿。

好孩子

好孩子

iBond收報106.7元 交投活躍政府推出的通脹掛鈎債券 iBond（04208）今早於港交所掛牌，開市價報106.9元。其後走勢靠穩，收報106.7元，比面值高6.7%，即每手（1萬元）帳面升值670元。同時，iBond 今早的交投亦頗活躍，半日錄得近149萬股成交，或成交額約1.6億元。iBond昨晚於輝立交易場，暗盤開報105.6元，最高見106.8元，最低見105元，最後收報106.5元，比面值100元高6.5%。成交手數8.63萬，總成交額915萬元。曾俊華否認iBond明益大戶財政司司長曾俊華今早表示，初步而言，iBond認講理想，相信市場反應不俗。對於今次政府通脹掛鈎債券的分配比例被指是有利於大戶，曾俊華不認同，反問：「抽幾多才算是多呢？」。他認為，認購數量如少於44手，會獲全數分配，是中規中矩，而本次iBond發售中，一般市民的認購數量少於10手。本次政府通脹掛鈎債券，認購44手或以下者將可獲全數配發iBond，至於認購44手以上的共4,966份申請，抽籤後將有1,344份可獲發多一手債券，即45手。

好孩子

新股上市消息

股票編號：02138 股票名稱：中海綠舟

【周五招股】市場消息透露，中海綠舟將發行6億新股，每股招股價介乎1.56元至2.5元，以每股上限2.5元計，集資額達15億元。

消息人士稱，集團將於周五招股，並於19日上市。截至今年年底，集團預測每股盈利不少於0.24元（0.03美元）。

集團預期今年資本支出約2.6億美元，集團集資額90%用作集裝箱租務，其餘10%用作營運資本。

好孩子

新股上市消息

股票編號：06818 股票名稱：光大銀行

【上市進展】市場消息指出，光大銀行冀下月招股上市，本周四（4日）擬向港交所（00388）就公眾持股比例申請豁免，最快下周開始路演招股。據了解，光行管理層仍屬意於8月18日，即A股掛牌周年紀念日上市，不過時間相當倉卒。市傳光行已獲12個基礎投資者認購，包括美國保德信、大華銀行、對冲基金DEShaw等。


公司名稱：開元酒店

市場消息指出，中國大型民營星級連鎖酒店集團開元酒店計劃赴港上市，集資約2億美元（約15.6億港元），保薦人包括德銀。總部設在浙江省的開元旅業，旗下兩大主營業務，包括酒店及房地產。根據公司網站資料披露，截至今年1月，開元管理和簽約的酒店有74家，客房總數達到約2.2萬間。

好孩子

光行踩油 趕下周二招股

光大銀行（新上市編號︰06818）H股上市進程反覆，市場消息指，若明日得到向港交所申請的豁免，將最快於下周二（9日）開始公開招股。
孖展凍息5天 力爭18日掛牌
光大銀行H股為落力趕於8月18日（即A股上市周年紀念日）掛牌，消息指光行公開招股最快於下周二開始，意味孖展凍息縮短至僅5天（券商普遍在招股截止日到分貨前夕計息），一手暫定為1,000股。
按港交所上市規定，本地掛牌公司的股權分布，須至少有25%為公眾股東持有。若新股發行人預期上市時市值超過100億元，港交所則可接受一個介乎15%至25%之間的公眾持股比例。
估值存變數 降市帳率試水溫
市傳光行將於明日，向上市委員會申請公眾持股比重豁免，以啟動招股程序。從光行預覽資料所見，其股本包括404億股A股。假設是次發行的H股，佔擴大後股本不足15%，則H股發行股數約為71.3億股，較6月時擬發行的105億股減少逾3成。
光行的發行估值亦存變數。有基金經理指，盡管光行把招股的市帳率（PB，即股價除以帳面值，愈低愈吸引），由約兩個月前的1.9倍，降低到約1.45倍，市場大都還價到1.2倍左右。不過亦有消息指，光行已獲相當投資者捧場，管理層才屬意加速招股。
中海綠舟 券商340億攻孖展
然而若市況未能配合，令光行趕不及8月18日掛牌，市傳將爭取8月下旬出台，或9月底前出場。
另中海綠舟（新上市編號︰02138），本周五招股，3券商已備有340億元（見表）專攻孖展用，當中暫以耀才證券（01428）以約1厘孖展息最低。惟耀才證券行政總裁陳啟峰指，近日新股市場氣氛一般，加上中海綠舟集資額較大，故料反應不會熱爆。
而市傳中國大型民營星級連鎖酒店集團開元酒店，計劃赴港上市，集資約2億美元。